Erkeǵalı Rahmadıev atyndaǵy Memlekettik akademııalyq fılarmonııasynyń sımfonııalyq orkestri «Mosartıana» monokonsertin usyndy. Áýezdi kesh Aýstrııanyń uly kompozıtory Volfgang Amadeı Mosarttyń shyǵarmalaryna arnalǵan.
Kesh baǵdarlamasynda kompozıtordyń alýan túrli shyǵarmalary – «Fıgaronyń úılený toıy» operasyna ývertıýra, orkestrmen valtornaǵa arnalǵan №3 konserti jáne «Iýpıter» №41 sımfonııasy bar.
«Fıgaronyń úılený toıy» shyǵarmasymen Mosarttan asqan keremet jetistikke eshkim qol jetkizgen emes. Teatr lyq toly boldy, kóptegen nómirdi qaıtalaýǵa týra keldi, sondyqtan opera eki ese uzaǵyraq oınaldy, al kelýshiler Mosart shyǵarmalaryna qoshemet kórsetýdi toqtatpady», deıdi operaǵa kelgen kórermen.
1786 jylǵy tusaýkeserden bastap «Fıgaronyń úılený toıy» áýenderi kópshiliktiń súıispenshiligine bólengen edi. Jalpy, Mosarttyń shyǵarmashylyǵy basqa da Vena klassıkteriniń muralarymen birge valtorna mýzykasy damýynyń sharyqtaý shegine jetti. Orkestrmen valtornaǵa arnalǵan №3 konsert – kompozıtordyń jeke aspaptyń mánerli múmkindikterin damytyp, baıytqan jaýhar týyndysy.
Keshtiń jeke oryndaýshysy – «Daryn» memlekettik jastar syılyǵynyń laýreaty, sımfonııalyq orkestrdiń bas dırıjeri Qalqaman Dúısembaev. Sımfonııalyq orkestrdiń kórkemdik jetekshisi – halyqaralyq jáne respýblıkalyq baıqaýlardyń laýreaty Ádil Bestembekov, bas dırıjer – Qalqaman Dúısembaev.