ASTANA. 18 maýsym. Búgin tań aldynda N tobyndaǵy ekinshi oıyn da oınalyp, birinshi týr aıaqtaldy. Onda Reseı jáne Ońtústik Koreıa quramalary kezdesip, 1:1 esebimen teń tústi. Bul týraly egeven.kz habarlady.
Reseı – Ońtústik Koreıa 1:1.
18 maýsym. Kýıaba. «Arena Pantanal» stadıony. 37 603 kórermen.Tóreshi - Nestor Pıtana (Argentına).
Reseı: Igor Akınfeev, Andreı Eshenko, Vasılıı Berezýskıı, Sergeı Ignashevıch, Dmıtrıı Kombarov, Denıs Glýshakov (Igor Denısov, 72), Vıktor Faızýlın, Aleksandr Samedov, Oleg Shatov (Alan Dzagoev, 59), Iýrıı Jırkov (Aleksandr Kerjakov, 71), Aleksandr Kokorın.
Ońtústik Koreıa: Djýn Sýn, Ren, Lı En, Kım En Gvon, Hon Djon Ho (Hvan Sok Ho, 73), Iýn Sok En, Han Gýk En, Lı Chýn En, Ký Dja Chhol, Son Hyn Mın (Kım Bo Gen, 84), Pak Djý En (Lı Gyn Ho, 56).
Goldar: Lı Gyn Ho (68), Aleksandr Kerjakov (74).
Eskertýler: Oleg Shatov (49) – Son Hyn Mın (13), Kı Son En (30), Ký Dja Chhol (90).
Reseı quramasy úshin chempıonattyń birinshi oıyny óte aýyr boldy. Onyń Ońtústik Koreıa quramasymen oıyny bul topta osal komandanyń joq ekenin kórsetip berdi. Al Fabıan Kapellonyń shákirtteri óz múmkindikterinen tómen oınady. Buǵan ne sebep? Bálkı, Reses quramasy sapyndaǵy ekinshi taımda alańǵa shyqqan Aleksandr Kerjakovtan basqa oıynshylardyń álem chempıonatynda alǵash ret óner kórsetip jatqany da az ról oınamaǵan shyǵar? Tipti Aljırge qarsy oıynda Belgııa quramasynyń jas oıynshylary da birinshi taımda «janyp» ketti. Al reseılikter kóp nársege qol jetkize almady. Olardyń oıynyna tutastyq, shabýylyna ótkirlik jetispedi. Buǵan qaraǵanda, koreıler jetpis mınýttaı ýaqyt artyqtaý kórindi. Sondyqtan olardyń ekinshi taımnyń ortasynda gol soǵýlary zańdylyq sekildi sanaldy. Ras, Reseı fýtbolshylary utylýshylar rólinde kóp bola qoıǵan joq. Olar alańǵa shyqqanyna úsh qana mınýt bolǵan Kerjakovtyń jaýap dop soǵýy arqyly tarazy basyn tez teńestirdi. Bul jattyqtyrýshynyń rokırovkany óte der kezinde jáne dál jasaǵanyn baıqatty.
Aıta ketýimiz kerek, matchtyń sońǵy jaǵynda orystar ınısıatıvany óz qoldarynda ustady. Alaıda, olar shabýyldy aqyryna deıin sátti jasaı almady. Bylaıynsha, bul kezdesý teń nátıje ádildik te bolyp tabylady. Endi bárin bul tórttiktiń 22 maýsym kúni oınalatyn eki matchy sheshedi. Onda Reseı quramasy Belgııamen kúsh synassa, koreıler Aljırmen shaıqasady.
Damır Qojamqul.
Derekkóz: Chempıonat.Rý.
Foto: Sportbox.ru.