Túrkııada úıindiler astynan denesi tabylǵan adamnyń Ádil Qadyrbekov ekeni anyqtaldy. Bul aqparatty Syrtqy ister mınıstrliginiń resmı ókili Aıbek Smadııarov rastady, dep habarlaıdy Egemen.kz.
9 aqpan kúni tańǵy 9-da eki adamnyń denesi tabyldy. Onyń bireýi túrkııalyq Qubylaı Keskın bolyp shyqty. Ekinshisi Qazaqstan azamaty Ádil Qadyrbekov ekeni anyqtaldy. Ony marqumnyń týystary rastady.
«QR Syrtqy ister mınıstrligi máıitterdiń Otanyna jetkizilýine barynsha qoldaý kórsetedi», dedi Aıbek Smadııarov.
Eske sala keteıik, Túrkııadaǵy jer silkinisinen keıin habarsyz ketken Sabına Mamadıarovanyń aman-esen tabylǵanyn habarlaǵan edik.
Qazaqstan qutqarýshylary Túrkııada izdeý-qutqarý jumystaryn áli de jalǵastyryp jatyr.