Qazaqstanda oqýshy oryndarynyń tapshylyǵy 240 myńdy quraıdy. Oqý-aǵartý birinshi vıse-mınıstri Sholpan Qarınovanyń aıtýynsha, elde jańa mektepter salynbasa, bul kórsetkish 1 mıllıonnan asýy múmkin, dep habarlaıdy Egemen.kz.
«Elimizde 50-70 jyl buryn paıdalanýǵa berilgen 500-den astam mektep bar. Olardy jańasyna aýystyrý kerek. Sondaı-aq apatty jáne úsh aýysymdy mektepter máselesi áli de ózekti bolyp otyr. El boıynsha 148 mektep óz oqýshylaryn úsh aýysymda oqytyp jatyr. Bul - bala týýdyń joǵarylaýyna baılanysty týyndaǵan másele. Qazirgi ýaqytta oqýshy oryndarynyń tapshylyǵy 240 myńdy quraıdy. Elimizde jańa mektepter boı túzemese, bul kórsetkish 1,2 mıllıonǵa jetýi múmkin. О́tken jyly 247 mektep salynyp, 135 myń bala oqýshy oryndarymen qamtyldy», dep túsindirdi Sholpan Qarınova.
Onyń aıtýynsha, sońǵy 20 jyl ishinde Qazaqstanda 1 myńnan astam mektep esigin aıqara ashty.
«Prezıdent Qasym-Jomart Toqaev óziniń saılaýaldy baǵdarlamasynda 1,5 mıllıonnan astam balany oqýshy oryndarymen qamtýdy tapsyrdy. Onyń ishinde «Jaıly mektep» jobasy aıasynda 842 myń jańa oryn ashyldy», dep tolyqtyrdy vıse-mınıstr.