Túrkııada qaıtys bolǵan Qazaqstan azamattary Ádil Qadyrbekov pen Mırbolat Qurmashevtyń denesi 11 aqpanda Qazaqstanǵa jetkiziledi, dep habarlaıdy Egemen.kz.
«Qazaqstan Respýblıkasynyń Syrtqy ister mınıstrligi Túrkııada oryn alǵan tabıǵı apat saldarynan Antakııa qalasynda mert bolǵan Ádil Qadyrbekov pen Mırbolat Qurmashevtyń týystary men jaqyndaryna kóńil aıtady. Syrtqy ister mınıstrligi qaıtys bolǵandardyń máıitin otanyna jetkizýge barynsha kómek kórsetedi», dedi vedomstvonyń resmı ókili Aıbek Smadııarov.
Jerlesterimizdiń máıiti 11 aqpanda Antalııa-Almaty baǵytyndaǵy turaqty reıspen jetkiziledi, barlyq shyǵyndy memleket óteıdi.