QR Premer-mınıstri Álıhan Smaıylovtyń tóraǵalyǵymen ótken Memleket basshysynyń saılaýaldy baǵdarlamasyn iske asyrý jónindegi respýblıkalyq shtabtyń otyrysynda avtomobıl joldaryn salý jáne rekonstrýksııalaý máseleleri qaraldy, dep habarlaıdy Egemen.kz.
Otyrysty asha otyryp, Úkimet basshysy 2030 jylǵa deıin 8 myń shaqyrym respýblıkalyq jáne 14 myń shaqyrym jergilikti avtojoldardy sapaly salý men rekonstrýksııalaý mindeti qoıylǵanyn atap ótti.
Júrgizilip jatqan jumystar men josparlar týraly ındýstrııa jáne ınfraqurylymdyq damý mınıstri Marat Qarabaev baıandady.
Onyń aıtýynsha, bıyl 11 myń shaqyrym avtomobıl joldary, onyń ishinde 7 myń shaqyrym respýblıkalyq jeli jóndeý jumystarymen qamtylady. Búgingi tańda 70 myń shaqyrym jergilikti jeliniń 85%-y – normatıvtik jaǵdaıda. Jambyl (97%), Mańǵystaý (96%) jáne Pavlodar (91%) oblystarynda jergilikti joldardyń jaı-kúıi jaqsy, 3 óńirde kórsetkishter ortashadan tómen: Batys Qazaqstan (46%), Aqtóbe (72%) jáne Atyraý (72%) oblystarynda.
Budan basqa, mınıstrlik 2024-2030 jyldary halyqaralyq qarjy ınstıtýttarynyń qarajatyn tarta otyryp, jalpy uzyndyǵy 4,4 myń shaqyrym bolatyn jańa jol jobalaryn iske asyrýdy pysyqtap jatyr. Atap aıtqanda, «Jezkazǵan – Qaragandy» – 513 km, «Astana – Kostanaı – RF shekarasy» – 830 km, «Beıneý – Shalqar» – 515 km, «Atyraý – Dossor» – 86 km, «Qyzylorda – Aqtóbe» – 1 101 km, «Aktobe – Oral» – 628 km.
Otyrysta «QazAvtoJol» kompanııasynyń basqarma tóraǵasy Meıirhat Qasymbaev pen birqatar óńir ákimderi sóz sóıledi.
Premer-mınıstr joldardyń jaı-kúıi men kólik ınfraqurylymy ishki jáne syrtqy saýdany damytýdyń mańyzdy faktorlary ekenin atap ótti.
Alaıda, Úkimet basshysynyń aıtýynsha, sońǵy ýaqytta avtomobıl joldarynyń sapasyna qatysty shaǵymdar kóp. Joldyń nasharlyǵy jol apatyna sebepshi bolyp, adamdardyń ólimine ákeledi, tranzıttik tasymal kólemin azaıtady, sonymen qatar eldiń ımıdjine teris áser etedi.
«Júrgizilip jatqan jóndeý jumystaryna jurtshylyq qanaǵattanbaı otyr. Internette jumystyń reglament boıynsha emes, jańbyr, tipti qar jaýyp jatqan kezde júrgizilip jatqany túsirilgen kóptegen beınerolık pen fotosýretter tolyp júr», dedi Álıhan Smaıylov.
Mysal retinde Úkimet basshysy Abaı oblysy Kókterek aýylynda qardyń ústine asfalt tóselgenin, al Pavlodar oblysynda asfaltty jolǵa shashyp tastaǵanyn aıtty. Keıbir óńirlerde aýyl turǵyndary jergilikti atqarýshy organdardan qaıyr kútpeı, joldardy óz betinshe jóndeıtin jaǵdaılar kezdesedi. Almaty oblysy Rysqulov aýylynda, Mańǵystaý oblysy Atameken aýylynda osyndaı jaǵdaılar oryn aldy. Sonymen qatar bir ýchaskede jyl saıyn jóndeý jumystary júrgizilgen faktiler bar.
Álıhan Smaıylov jol salý ádisterin túbegeıli ózgertýdi talap etti.
О́ńirlerdiń ákimdikterine jergilikti avtojoldar jelisin salý jáne jóndeý boıynsha sapaly jumys júrgizý tapsyryldy. Qurylys maýsymyn birden bastaý úshin memlekettik satyp alý men qurylys materıaldaryn satyp alýdyń barlyq rásimderin jaqyn arada tezdetip aıaqtaý kerek.
Sonymen qatar Premer-mınıstr osy jyldyń sońyna deıin «Merke-Býrylbaıtal», «Aqtóbe-Atyraý-Astrahan», «Almaty-О́skemen», «О́nege-Beısen», «Kaztalovka-Jánibek», «Úsharal-Dostyq» sııaqty mańyzdy avtojol jobalarynyń aıaqtalýyn qamtamasyz etýdi tapsyrdy.