Bıylǵy 1 aqpandaǵy jaǵdaı boıynsha 2021 – 2025 jyldarǵa arnalǵan Kásipkerlikti damytý jónindegi ulttyq jobaǵa 68,2 myń adam qatysyp, 55,9 myń adam jumysqa ornalasqan. Onyń 17,3 myńy turaqty jumys tapqan, dep habarlaıdy Egemen.kz.
Sýbsıdııalanatyn jumys oryndaryna 38,7 myń adam ornalastyrylǵan. Onyń ishinde áleýmettik jumys oryndarymen 2,4 myń, jastar praktıkasymen 1,3 myń, qoǵamdyq jumystarmen 33,4 myń adam, «Alǵashqy jumys orny» jobasy aıasynda 365 adam, «Urpaqtar kelisimsharty» jobasy aıasynda 17 adam, «Kúmis jas» jobasy aıasynda 670 adam jumyspen qamtylǵan.
Eńbek naryǵynda suranysqa ıe daǵdylar boıynsha onlaın oqytýmen 2 myń jumyssyz qamtylyp, onyń ishinde 1,7 myńy oqýdy aıaqtaǵan.
Sondaı-aq «Bastaý Bıznes» jobasy boıynsha kásipkerlik negizderine oqytý 10,3 myń adamdy qamtydy, onyń ishinde 7 myń adam sertıfıkat alǵan.
Sonymen qatar qyzmet salasyn tańdaý maqsatynda 10,4 myń adam áleýmettik kásiptik baǵdarlaýdan ótken.