Ortalyq saılaý komıssııa Parlament Májilisiniń depýtattaryn saılaýǵa «AMANAT» partııasynyń partııalyq tizimin tirkedi, dep habarlaıdy Egemen.kz.
«AMANAT partııasynyń partııalyq tiziminde 90 adam bar. Onyń ishinde 29 adam áıelder. Jastar jáne múgedekter jalpy sannyń 32,2% quraıdy. Ortalyq saılaý komıssııasy ýákiletti memlekettik organdarmen birlesip, partııalyq tizimge engizilgen adamdardyń Konstıtýsııa men «Saılaý týraly» Konstıtýsııalyq zań talaptaryna sáıkestigin tekserdi. Partııalyq tizimge engizilgen tulǵalardyń barlyǵy Konstıtýsııa men «Saılaý týraly» Konstıtýsııalyq zań talaptaryna saı», dedi OSK hatshysy Muhtar Erman.
Onyń aıtýynsha, 2021 jyldyń 10 qańtarynda ótken Májilis depýtattaryn saılaýda «AMANAT» partııasy 71,09 paıyz daýys jınaǵan, osyǵan baılanysty partııa saılaý jarnasyn tóleýden bosatylǵan.
7 aqpanda ótken kezekten tys sezde «AMANAT» partııasynan úmitkerler tizimi bekitildi. Oǵan partııalyq tizim boıynsha 90 adam, bir mandatty okrýgterden 29 adam kirdi. Osylaısha, aldaǵy saılaýǵa qatysýǵa 119 kandıdat usynylyp otyr.
Qazaqstanda Májilis depýtattarynyń saılaýy 19 naýryzda ótedi. Dál osy kúnge máslıhat depýtattaryn saılaý belgilendi.