Atyraý oblysynda jol apatynan eki adam qaıtys boldy, tórt adam aýrýhanaǵa jetkizildi, dep habarlaıdy Egemen.kz.
Jergilikti polısııa departamentiniń málimetinshe, oqıǵa búgin saǵat 15:00 shamasynda bolǵan. Anyqtalǵandaı, «Atyraý-Inder» baǵytyndaǵy tasjoldyń 72-shaqyrymynda Toyota Ipsum jáne Lada Granta avtokólikteri soqtyǵysqan.
«Apat saldarynan Lada Granta avtokóliginiń 1997 jylǵy júrgizýshisi oqıǵa ornynda kóz jumdy. Al 1962 jylǵy jolaýshy aýrýhanada qaıtys boldy. Túrli dene jaraqatyn alyp, zardap shekken Toyota Ipsum kóliginiń júrgizýshisi men 3 jolaýshy Mahambet aýdandyq ortalyq aýrýhanasyna jetkizildi», delingen vedomstvo habarlamasynda.
Jol apatynan keıin Toyota Ipsum kóligi órtenip ketken. Qazir atalǵan oqıǵaǵa baılanysty QR Qylmystyq kodeksiniń 345-baby 4-bóligimen sotqa deıingi tergeý júrip jatyr.