Astanadaǵy №2 kópbeıindi qalalyq aýrýhananyń dárigerleri marjan tárizdi búırek tasy bar naýqasty aman alyp qaldy. Búırek patologııasy bar pasıentke qalalyq ýrologııa ortalyǵynyń dárigerleri járdemdesken.
Jas qyz 19 jasynan ýrolıtııamen aýyrǵan. Aýrýdyń osy túri búırekte, qýyqta nemese ýretrada (zár shyǵarý jolynda) tastar paıda bolý prosesimen baılanysty. Sodan pasıent birneshe ret operasııa jasatqanymen, ókinishke qaraı, aýrý saıabyrlamaǵan. Pasıent hırýrgııalyq ádispen emdelýdi oılap, birneshe ýrologııalyq klınıkaǵa barǵanymen klınıkalyq jaǵdaıdyń kúrdeli bolǵanyna baılanysty keri qaıtqan. Amaly qalmaǵan naýqas kópbeıindi qalalyq aýrýhanaǵa barady. Sodan klınıkada pasıentke perkýtandy nefrolıtotrıpsııa operasııasy usynylǵan. Bul operasııanyń ereksheligi, naýqasta jaraqat kóp bolmaıdy. Iаǵnı naýqastyń bel aımaǵyn 1 sm kesý arqyly jasalady. Onda búırek tastary lazerdiń kómegimen joıylady.
Qalalyq ýrologııa ortalyǵynyń jetekshisi Asqar Jashenovtiń aıtýynsha, pasıenttiń búırek tastary endoskopııalyq ádispen alynǵan. Operasııadan keıin-aq pasıenttiń beti beri qarap, jaǵdaıy jaqsara bastaǵan. Abyroı bolǵanda qannyń barlyq kórsetkishi jaqsy shyǵyp, búırek qyzmeti qalpyna kelgen.
– Nefrolıtıazdyń kúrdeli formalary qıyn. Eger naýqas ýaqtyly emdelmese, búırektiń fýnksıonaldy kúıiniń joǵalýyna ákeledi. Nátıjesinde, termınaldy búırek jetkiliksizdigi paıda bolady. Mundaı jaǵdaıda naýqas jasandy búırek apparatyn qajet edi, – deıdi dırektordyń hırýrgııalyq kómek jónindegi orynbasary Iýrıı Pak.
Qazir pasıenttiń ahýaly jaqsy ekenin joǵaryda aıttyq. Onyń jaǵdaıyn dárigerler jiti baqylap, ambýlatorııalyq em alyp jatyr.