Ejelgi Mysyr perǵaýyny Týtanhamon mazarynyń tabylǵanyna 100 jyl toldy, dep habarlaıdy Egemen.kz.
9 jasynda taqqa otyrǵan patsha shamamen 10 jyldan keıin dúnıeden ozdy. О́z zamanynda aty shyqpasa da 3 myń úsh júz jyl ótkennen keıin onyń esimi búkil álemge áıgili boldy. О́ıtkeni bul tonaýshylardan aman qalǵan jalǵyz mazar edi.
Ejelgi Mysyrdyń dinı salty boıynsha perǵaýyndardy jerlegende o dúnıede olarǵa qajet bolatyn asyl buıymdardy birge salǵan. Al qaraqshylar bolsa, Patshalar alqabyndaǵy barlyq pıramıdalardy o basta tonap tastaǵan. Týtanhamon mazaryn ashqan brıtanııalyq arheolog Govard Karter perǵaýynnyń altyn maskasy, altynmen jalatylǵan tabyty jáne ózge de myńdaǵan baǵaly zattardy tapqan.
Osy jańalyǵy Ejelgi Mysyr tarıhyna, jalpy arheologııaǵa búkil álemniń úlken qyzýǵyshylyǵyn týǵyzyp, ǵylymnyń qarqyndy damýyna túrtki boldy.
Sondaı-aq Birneshe jyl buryn Nıkolas Rıvz Týtanhamon mazarynyń sýretterinen onda eki tustaǵy kirpishterdiń keıin sylanǵanyn baıqap, esiktiń orny bolýy tıis dep boljaǵan. Ol áli tabylmaǵan Nefertıtı patshaıymynyń qabiri bolýy múmkin. Osydan keıin osy tusty skanerleý jóninde sheshim qabyldandy.
Eske sala ketsek, Týtanhamon mazary 1922 jyly tabyldy.