Sońǵy bir jylda qazaqstandyq kólik júrgizýshileri sándi memlekettik nómir alýǵa shamamen 6 mlrd teńge jumsaǵan, dep habarlaıdy Egemen.kz.
«Azamattarǵa arnalǵan úkimet» Memlekettik korporasııasynyń» málimetine sáıkes, eń qymbat kólik nómirleri eki nólden bastalatyn birdeı áripteri bar kombınasııalar boldy.
Sondaı-aq VIP sanatqa úsh jetiden turatyn nómirler de kiredi. Mundaı memlekettik nómirler 285 AEK, ıaǵnı 873 myń teńgege baǵalanady. Atalǵan nómirler Almaty turǵyndary arasynda kóp kezdesedi.
О́tken jyly almatylyqtar erekshe 7 myń nómir satyp alǵan. Bul arqyly memleket bıýdjetine 2 mlrd 365 mln teńge túsken.