О́tken jyly elimizde 7 memleketke 10 jańa áýe baǵyty ashyldy. Endi otandastarymyz Mılan (Italııa), Iraklıon (Grekııa), Nıachang (Vetnam), Kýveıt (Kýveıt), Ankara (Túrkııa), Mae araly (Seıshel araldary) men Túmenge (Reseı) jańa áýe reısterimen tikeleı qatynaı alady.
Mádenıet jáne sport mınıstrligi Týrızm komıtetiniń tyńǵylyqty jumysynyń nátıjesinde ashylǵan jańa áýe baǵyttary elimizge sheteldik týrısterdiń kóptep kelýine de oń áser etip otyr. Mysaly, ótken jyly Qazaqstanǵa kelgen sheteldik týrıster sany aldyńǵy jylmen salystyrǵanda 3 esege artty. Bul baǵyttaǵy jumystardy ilgeriletip, áýe baǵyttarynyń qataryn taǵy arttyrý qarastyrylyp jatyr.
«Qazir Týrızm komıteti jańa áýe baǵyttaryn ashý boıynsha jumys istep jatyr. Uıymdastyrý sharalary aıaqtalǵan kezde biz jurtshylyqty habardar etemiz. Tikeleı reısterdiń ashylýy elimizdiń týrıstik tartymdylyǵyn arttyratyny sózsiz. Mysaly, byltyr Atyraý oblysyna barǵan týrıster sany 3,5 ese ósken. Bul óńirdiń tranzıttik áleýetine de baılanysty. Qazaqstanǵa kelgen árbir tórtinshi týrıst Almaty qalasyna barady. 2022 jyly Alataý baýraıyndaǵy shahar 1,2 mln asa týrıst qabyldaǵan. Bul – rekordtyq kórsetkish. Elimizdegi taý shańǵysy kýrorttaryna kelgen týrıster sany 1,5 mln-ǵa deıin jetti. Jyl saıynǵy ósim 20%-dy qurady. Elimizdegi taý shańǵysy týrısteriniń sany jaǵajaı týrısteriniń sanymen teńesti», dep atap ótti Mádenıet jáne sport vıse-mınıstri Erjan Erkinbaev.