Mehmet Alı Shakıroglý men Mustafa Avchı jer silkinisinen 261 saǵat ótken soń Antakııanyń Odabashı aýdanyndaǵy qırandylar astynan qutqaryldy, dep habarlaıdy Egemen.kz Anadolu agenttigine silteme jasap.
Antakııadaǵy Odabashı kóshesindegi úıindilerdi tazalaǵan qutqarý toby qıraǵan úıdiń qabyrǵalarynyń arasynan eki azamatty qutqardy. Olarǵa alǵashqy medısınalyq kómek kórsetilip, aýrýhanaǵa jetkizildi.
6 aqpanda epısentri Kahramanmarashta magnıtýdasy 7 baldan asatyn eki jer silkinisi boldy. Zilzala eldiń 10 provınsııasynda, sondaı-aq kórshiles memleketterde, sonyń ishinde Sırııada da sezildi.
Prezıdent Rejep Taıyp Erdoǵan tabıǵı apat qurbandaryna baılanysty Túrkııada jeti kúndik ulttyq aza tutý jarııalady.
Túrkııanyń ońtústik-shyǵysynda bolǵan joıqyn jer silkinisinen qaza tapqandar sany 36,1 myńnan asty.