Almaty oblysynyń taýly aımaqtarynda 17-21 aqpan aralyǵynda qar kóshkini júrý qaýpi saqtalady, dep habarlaıdy Egemen.kz.
Oblystyq Tótenshe jaǵdaılar departamenti qala turǵyndaryn, týrıster men demalýshylardy qar kóshkininiń yqtımal arandatýyna baılanysty qar basqan betkeılerge shyqpaýǵa, sondaı-aq taýly aımaqtarda barlyq qaýipsizdik sharalary men tártipti saqtaýǵa shaqyrady.
«Almaty oblysynyń aýmaǵynda Ile-Alataý taý jotasynyń ońtústik betkeıinde Eńbekshiqazaq, Talǵar jáne Qarasaı óńirlerinde ornalasqan 48 qar kóshkini qaýpi bar aýmaqtar bar. Negizinen qar kóshkini temperatýralyq fonnyń joǵarylaýyna jáne jańbyr men qar túrindegi jaýyn-shashynnyń kóp túsýine baılanysty túsedi», dedi TJD baspasóz qyzmeti.