Qaraǵandyda Álıhan Bókeıhan aýdany ákiminiń orynbasary para aldy degen kúdikpen ustaldy. Ol TKSh máseleleri boıynsha jetekshilik etken, dep habarlaıdy Egemen.kz tilshisi.
Aýdan ákimi orynbasarynyń ustalǵany týraly aqparatty Qaraǵandy oblysy boıynsha sybaılas jemqorlyqqa qarsy kúres departamentiniń basshysy Murat Túleýbaev rastady. Ol ákim orynbasarymen qatar ákimdiktegi basqarmalardyń biriniń basshysy da ustalǵanyn atap ótti. Memlekettik qyzmetshiler kásipkerden 500 myń teńge kóleminde para aldy degen kúdikke ilingen.
«Fakt boldy. Men bul derekti rastaımyn. Álıhan Bókeıhan aýdany ákiminiń orynbasary men bólim basshysy ustaldy. Sońǵysy deldal bolǵan. Olar tikeleı óz mindetterine kiretin fýnksııalardy oryndaǵany úshin kásipkerden 500 myń teńge alǵan. Qazir osyǵan qatysty qylmystyq is tergelip jatyr. Ol áli aıaqtalǵan joq. QR Qylmystyq-prosestik kodeksiniń 201-babyna sáıkes sotaldy tergep-tekserý málimetin taratýǵa quqyǵymyz joq», dedi Murat Túleýbaev.