Elordalyq Esirtki qylmysyna qarsy kúres basqarmasynyń qyzmetkerleri esirtkiniń asa iri kólemde satylýyna tosqaýyl qoıdy, dep habarlaıdy Egemen.kz.
Kóliginiń júk salǵyshynda eki qap mefedron esirtki zatyn tasymaldap júrgen 35 jastaǵy elorda turǵyny ustaldy.
«Tergeý barysynda ustalǵan azamattyń esirtkini Almatydan satyp alyp, Astanaǵa ótip bara jatqan kóligimen jóneltkeni jáne elordaǵa ushaqpen oralǵany anyqtaldy. Sodan keıin ol bir keli esirtki salyp, úsh qalada: Kókshetaý, Petropavl jáne Pavlodarda betbelgiler jasaýdy josparlaǵan. Ol esirtkini orap jatqan kezde ustaldy», dep habarlady IIM baspasóz qyzmeti.
Ustalǵan azamattyń páterin tintý kezinde eki keli gashısh, bir mıllıon teńgeden astam aqsha, sondaı-aq elektrondy tarazylar men oraý materıaldary tárkilendi.
«Tárkilengen esirtkiniń salmaǵy iri mólsherge jatady. Olardyń aınalymy úshin kózdelgen sanksııa qylmyskerdiń múlkin tárkilep, 15 jylǵa deıin bas bostandyǵynan aıyrýdy qarastyrady. Qazirgi ýaqytta izdestirý sharalary júrgizilip, ustalǵan azamattyń qylmystyq baılanystary anyqtalyp jatyr», dep atap ótti polısııa qyzmetkerleri.