Qazaqstan Prezıdentiniń Buqaralyq aqparat quraldary salasyndaǵy syılyǵyn taǵaıyndaý, granttaryn tapsyrý jáne alǵysyn jarııalaý jónindegi qoǵamdyq komıssııanyń otyrysy ótti, dep habarlady Prezıdenttiń baspasóz qyzmeti.
Otyrysqa Komıssııa músheleri – buqaralyq aqparat quraldarynyń, shyǵarmashylyq odaqtardyń, jýrnalıster qoǵamdyq birlestikteriniń jáne múddeli memlekettik organdardyń ókilderi qatysty.
Otyrysqa qatysýshylar buqaralyq aqparat quraldarynyń memlekettilikti nyǵaıtýdaǵy mańyzdy róline nazar aýdardy.
Bıyl Qoǵamdyq komıssııa atyna 57 usynym kelip tústi, sonyń ishinde 48-i jýrnalısterge, 9-y shyǵarmashylyq ujymdarǵa qatysty boldy. Bul rette 41 usynymdy baspasóz, 16 usynymdy elektrondy BAQ joldady.
Komıssııa músheleri jýrnalıstik jumystar deńgeıiniń joǵary bolǵanyn, sondaı-aq, olardyń Qazaqstannyń búgingi damýyndaǵy mańyzdy qoǵamdyq-saıası jáne áleýmettik-ekonomıkalyq máselelerdi jarııalap-kórsetýge qosqan úlesin atap ótti.
Talqylaý qorytyndysy boıynsha Qoǵamdyq komıssııa ashyq daýys berý arqyly BAQ ókilderine Prezıdenttiń eki syılyǵyn taǵaıyndaý, eki grantyn tapsyrý jáne Prezıdenttiń alǵysyn tórt shyǵarmashylyq ujymǵa jarııalaý jóninde Memleket basshysyna usynys berý týraly biraýyzdan sheshim shyǵardy.