Túrkııada 6 aqpanda bolǵan joıqyn jer silkinisi 43 556 adamnyń ómirin qıdy. Bul týraly Ishki ister mınıstri Súleıman Soılý málimdedi. Al Sırııada belsendiler 6747 adamnyń qazasyn tirkedi, dep habarlaıdy Egemen.kz Deutsche Welle-ge silteme jasap.
Túrkııa ishki ister mınıstri Súleıman Soılýdyń aıtýynsha, Túrkııada jer silkinisinen qaza tapqandar sany 43 556-ǵa jetti.
Sırııanyń adam quqyqtaryn baqylaý ortalyǵynyń málimetinshe, elde tabıǵı apattan 6747 adam opat bolǵan.
Túrkııa men Sırııadaǵy jer silkinisinen on myńnan astam adam jaraqat aldy. Kóptegen adam baspanasyz qalǵan, olar gýmanıtarlyq kómekke zárý.
Dúnıejúzilik densaýlyq saqtaý uıymynyń málimetinshe, apattan 23 mıllıonǵa jýyq adam zardap shekti. Apat mamandary jer silkinisiniń ekonomıkalyq shyǵynyn 20 mıllıard dollardan (18,8 mıllıard eýro) astam dep baǵalady.