Búgin, «QazTransOıl» AQ magıstraldyq munaı qubyrlary júıesi qazaqstandyq munaıdy Germanııaǵa tasymaldaýdy bastady. Bul týraly «QazTransOıl» AQ qoǵammen baılanys jáne ishki kommýnıkasııalar departamentiniń dırektory Shyńǵys Ilııasov aıtty, dep habarlaıdy Egemen.kz.
Qazaqstan Respýblıkasy Energetıka mınıstrligi bekitken munaı jetkizý kestesine sáıkes «QazTransOıl» AQ aqpan aıynda 20 myń tonna qazaqstandyq munaıdy «Drýjba» munaı qubyry arqyly odan ári Germanııaǵa jetkizý úshin Adamova Zastava munaı jetkizý pýnktine tasymaldaıdy.
2022 jyldyń jeltoqsan aıynda «QazTransOıl» AQ 2023 jyly 1,2 mln tonna qazaqstandyq munaıdy odan ári Germanııaǵa jetkizý úshin «Transneft» JAQ magıstraldyq munaı qubyrlary júıesi arqyly Adamova Zastava munaı jetkizý pýnkti baǵytynda tasymaldaýǵa jyl saıynǵy ótinim jiberdi.
Munaıdyń bul tranzıti Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy 2002 jylǵy 7 maýsymdaǵy tıisti kelisim aıasynda júzege asyrylady.