Senattyń Qarjy jáne bıýdjet komıtetiniń depýtattary ýákiletti memlekettik organdarmen birge «Bıýdjetaralyq qatynastardy jańa tásilderdi eskere otyryp qalyptastyrý» taqyrybynda dóńgelek ústel ótkizdi.
Qarjy jáne bıýdjet komıtetiniń tóraǵasy Sultanbek Mákejanov óńiraralyq dısproporsııalar qazirgi kezdegi mańyzdy jáne basty máselelerdiń biri bolyp tabylatynyn aıta kelip, Memleket basshysy zańnamalyq deńgeıde bıýdjetaralyq qatynastardy teńestirý úshin túbegeıli reformalaýdy tapsyrǵanyn atap ótti.
– Bizge Memleket basshysynyń tapsyrmasyn iske asyrý týraly aýqymdy mindet qoıylyp otyr. Bul – eń aldymen, bıýdjetaralyq qatynastarymyzdyń halqymyz úshin kepildik beretin memlekettik qyzmetterdiń qajettilikterine shyn máninde jaýap berýi jáne búgingi tańdaǵy óńirlerdi damytýdaǵy dısproporsııalardy barynsha azaıtý, – dedi Sultanbek Mákejanov.
Ulttyq ekonomıka vıse-mınıstri Azamat Ámrın senatorlarǵa óńirlerdiń kiris bazasyn keńeıtý jóninde júrgizilgen jumystar týraly aıtyp berdi. Osylaısha, 2023 jyldan bastap jergilikti bıýdjetterge salyq túsimderiniń qosymsha túrleri tapsyryldy. Bul – 2025 jylǵa qaraı óńirlerdiń kiristeriniń ósimin 47 paıyzǵa arttyrýǵa múmkindik beredi.
Joǵary aýdıtorlyq palatanyń múshesi Iýlııa Engel baıandamasynda salanyń negizgi máseleleri: jergilikti atqarýshy organdardyń respýblıkalyq bıýdjetten sýbvensııalardy paıdalanýyna monıtorıng jáne baqylaý tetiginiń bolmaýy, bıýdjetaralyq transfertterdi bólý tetiginiń ashyqtyǵy jáne basqa da máseleler týraly aıtty. Ol osyǵan baılanysty jalpy sıpattaǵy transfertterdi esepteý fýnksııalaryn avtomattandyrýdy usyndy. Bul – bastapqy derekterdi, kórsetkishter men koeffısıentterdi paıdalanýǵa áser etetin «adam faktoryn» azaıtýǵa múmkindik beredi.
Sonymen qatar Energetıka vıse-mınıstri Jandos Nurmaǵambetov, Soltústik Qazaqstan oblysy ákiminiń birinshi orynbasary Marat Tasmaǵanbetov jáne Indýstrııa jáne ınfraqurylymdyq damý mınıstrliginiń ókili baıandama jasady.
Senator Sultanbek Mákejanov dóńgelek ústel jumysyn qorytyndylaı kelip, bıýdjetaralyq qatynastardy jetildirý jónindegi jumystyń jalǵasatynyn aıtty. Sonymen qatar kezdesý barysynda birqatar usynys berilgenin jáne olardyń keıin jańa Bıýdjet kodeksin ázirleý jónindegi jumystar aıasynda ázirlenetinin jáne kórinis tabatynyn atap ótti.