Búgin Astanada Sultan Beıbarys atyndaǵy kósheniń ashylý saltanaty ótti. Mádenıet jáne sport mınıstrliginiń bastamasymen uıymdastyrylǵan saltanatty shara uly tarıhı tulǵanyń 800 jyldyǵyna arnaldy, dep habarlaıdy Egemen.kz vedomstvonyń baspasóz qyzmetine silteme jasap.
Ashylý saltanatyna Ashat Oralov qatysty.
«Biz aıtýly kúnge tyńǵylyqty daıyndalyp jatyrmyz. Onyń mańyzyn eskere otyryp, Mádenıet jáne sport mınıstrligi Qazaqstan astanasynda kórnekti qolbasshynyń esimin ulyqtaý týraly sheshim qabyldady», dedi mınıstr.
Jan - jaqty taldaýdan keıin tańdaý Saryarqa aýdanyndaǵy №189 kóshege tústi. Endi ol Mysyr sultanynyń esimimen atalady. Bul uzyndyǵy 2 km-den asatyn alty jolaqty kóshe.«Osyndaı aýqymdy sharamen biz Sultan Beıbarystyń mereıtoıyn atap ótip qana qoımaı, búkil túrki tarıhy úshin mańyzy zor tulǵaǵa qurmet kórsetemiz. Biz jas urpaqty uly qaıratkermen tanystyramyz. Sondaı - aq biz mereıtoı aıasynda spektaklder, ǵylymı konferensııalar, Mysyr tarapymen birlesken jobalar jáne t.b. is-sharalar ótkizýdi josparlap otyrmyz», dep atap ótti Ashat Oralov.