UQK Mańǵystaýda aqbókenderdi zańsyz atyp kelgen eki turǵyndy qylmys ústinde ustady, dep habarlaıdy Egemen.kz.
Ulttyq qaýipsizdik komıteti uıymdasqan qylmys túrlerine qarsy kúres is-sharalaryn júrgizý aıasynda qylmystyq «kásiptiń» jolyn kesýdi jalǵastyryp keledi. 2023 jylǵy qańtarda UQK prokýratýra organdarymen birge kıiktiń múıizderin zańsyz óndirý jáne satý arnasyn uıymdastyrýǵa qatysty adamdar tobyn qylmys ústinde qolǵa túsirdi. Qundy taýardyń iri partııasyn saýdalaý áreketi kezinde Mańǵystaý óńiriniń qylmystyq álemine qatysy bar buryn sotty bolǵan eki adam ustaldy.
«Memleketke 1 mlrd teńgeden asa zalal keltirilgenin jáne Qazaqstandaǵy aqbókenderdiń taralýyna edáýir keri áserin tıgizgenderin dáleldeıtin aıǵaqtar jınaqtaldy. Sotqa deıingi tergeý aıasynda QR QK 339-baby 3-bóligi 2-tarmaǵy boıynsha zańǵa qaıshy árekettiń ózge de qatysýshylaryn anyqtaýǵa baǵyttalǵan jedel tergeý is-sharalar kesheni júrgizilip jatyr», delingen UQK taratqan málimette.