Ishki ister mınıstri Marat Ahmetjanovtyń 2023 jylǵa josparlanǵan halyqpen kezdesýi Mańǵystaýdan bastaldy, dep habarlaıdy Egemen.kz Polisia.kz saıtyna silteme jasap.
«Dostyq» úıinde ótken kezdesý barysynda vedomstvo basshysy azamattarǵa eń aldymen Qoǵamdyq qaýipsizdikti qoǵammen seriktestikte qamtamasyz etý konsepsııasy týraly aıtty. Qujattyń mańyzdylyǵyna toqtalyp, basty baǵyttaryn saralap, erekshelikterin túsindirdi.Sonymen qatar shara barysynda aımaqtaǵy krımınogendik ahýal týraly aqparat berildi. Mınıstr jalpy qylmystyń 66%-y oblys ortalyǵynda jasalatynyn atap ótti. Mańǵystaýda 71 urlyq, 1 mal urlyǵy, sondaı-aq jyl basynan beri bir aı ishinde 26 alaıaqtyq faktisi tirkelgeni aıtyldy. О́ńirde ákimdik pen polısııanyń nátıjeli jumysynyń arqasynda kópshilikke úlgi bolǵan aýyldar týraly da maǵlumat berildi. Mańǵystaý aýdanynyń Ońdy aýyly men Túpqaraǵan aýdanynyń Taýshyq aýylynda qabyldanǵan sharalardyń tıimdiliginiń arqasynda birde-bir qylmys tirkelmegen.Ashyq formatta ótken kezdesýde turǵyndar suraq qoıyp qana qoımaı, túrli másele boıynsha óz pikirlerin aıtyp, usynystaryn bildirdi. Marat Ahmetjanov ádettegisinshe aımaq jýrnalısterimen júzdesip, olardyń saýaldaryna jaýap berdi. Al daýly máselemen júgingen azamattardy mınıstr jeke qabyldady. Qyzmet basshylarymen birge túıtkildi suraqtyń túıinin sheshýge atsalysty. Alaıaqtarǵa aldanǵandar, tergeýge kóńili tolmaǵandar, qylmysy ashylmaı áýrege salynǵandardyń barlyǵyna quqyqtyq negizde jaýap berip, árbir isti jeke baqylaýǵa aldy. Mınıstr oblystyq polısııa departamentinde de boldy. Murajaıǵa soǵyp, ólke polısııasynyń tarıhymen tanysty. Aıta ketý kerek, 2019 jyly jańartylǵan mýzeı sol jyly Qazaqstandaǵy polısııa departamentteri murajaılary arasynda úzdik úshtikke kirgen. Murajaı meńgerýshisi Aqbala Edigeqyzynyń sózinshe, keń úsh zalda 1,5 myńnan astam qundy jádiger bar.