Búgin Petropavlda oblys ortalyǵyndaǵy kóńil kóterý oryndarynyń birinde er adam atys jaraqatyn aldy, dep habarlaıdy Egemen.kz.
Petropavl qalasy polısııa basqarmasynyń málimetinshe, 28 jastaǵy er adam jedel járdem brıgadasymen aýrýhanaǵa jetkizilgen. Alaıda ol alǵan jaraqatynan qaıtys bolǵan.
Atalǵan fakti QR Qylmystyq kodeksiniń 99-babynyń 2-bóligi «adam óltirý» boıynsha sotqa deıingi tergep-tekserýlerdiń biryńǵaı tiziliminde tirkeldi.
«Jedel-izdestirý is-sharalary barysynda osy qylmysty jasady degen kúdikpen Qyzyljar aýdanynyń 34 jastaǵy turǵyny ustaldy. Kúdikti Petropavl qalasy PB ýaqytsha ustaý ızolıatoryna qamaldy. Birqatar qajetti saraptama taǵaıyndaldy. Tergeý áreketteri júrip jatyr», delingen habarlamada.