Fransııanyń Marsel qalasynda ótip jatqan ATP 250 týrnıri óz máresine jaqyndap qaldy. Júlde qory 707 510 eýrony quraǵan jarysta Aleksandr Býblık te baq synǵan edi.
Álemdik reıtıngte 50-orynda turǵan Qazaqstannyń birinshi raketkasy alǵashqy eki aınalymda serbııalyq Fılıpp Kraınovıch pen fransııalyq Gregýr Barrerden basym tústi. Odan keıin ol shırek fınalda Grıgor Dımıtrovpen kezdesti. ATR tiziminde 25-orynǵa jaıǵasqan 31 jastaǵy Bolgarııanyń ókili kezinde AQSh pen Aýstralııanyń ashyq birinshilikteri men Ýımbldonnyń jartylaı fınalyna deıin jetkenin jankúıerler jaqsy biledi. Osy kezdesýde baryn salǵan Býblık 7:5, 3:6, 7:6 esebimen jeńiske jetti.
О́kinishke qaraı, jartylaı fınalda jerlesimizdiń álemniń 11-raketkasy polshalyq Hýbert Hýrkachqa áli jetpedi. Bul báseke 6:4, 7:6 esebimen aıaqtaldy. Endi Hýrkach fınalda fransııalyq Benjamın Bonzımen sheberlik baıqasady.