Áıelder tennısi qaýymdastyǵy (WTA) jańartqan álemdik reıtıngte Qazaqstannyń qos ókili úzdikter sanatyna endi. Olar – Elena Rybakına men Iýlııa Pýtınseva.
Byltyr «Ýımbldonda» top jaryp, bıyl Aýstralııanyń ashyq birinshiliginde fınalǵa deıin jetken Rybakına 10-orynǵa jaıǵasqan. Pýtınseva da ótken aptamen salystyrǵanda jaǵdaıyn biraz jaqsartty. Birden alty satyǵa joǵarylaǵan ol 40-orynǵa kóterildi. О́zge burymdylarymyzdyń kórsetkishteri mynadaı: Jibek Kulambaeva – 448, Gozal Aınıtdınova – 505, Anna Danılına – 539. Al WTA reıtınginiń aldyńǵy leginde aıtarlyqtaı ózgeris joq. Kósh basynda – Iga Sventek (Polsha).
ATR tiziminde Novak Djokovıch (Serbııa) alda keledi. Qazaqstannyń tennısshileri arasynda Aleksandr Býblık qana táýir nátıjege ıe. Marseldegi týrnırdiń jartylaı fınalyna deıin jetken jerlesimiz tórt satyǵa joǵarylap, qazirgi kezde 46-orynǵa taban tiredi. О́zge jerlesterimizdiń nátıjeleri mynadaı: Tımofeı Skatov – 134, Mıhaıl Kýkýshkın – 250, Denıs Evseev – 304, Beıbit Juqaev – 314, Dmıtrıı Popko – 400, Grıgorıı Lomakın – 980.