Qansonarda búrkitshi shyǵady ańǵa...

Qazaqtyń saıatshylyq ónerin serik etken qusbegiler saıysy Jańatalap aýyly mańyndaǵy «Qulager» bazasynda ótti. Oǵan Astana, Almaty qalalarymen birge Aqmola, Qaraǵandy, Jam­byl, Shyǵys Qazaqstan, Túrkis­tan, Mańǵystaý, Pavlodar, Aty­raý, Abaı, Jetisý, Ulytaý ob­lys­tarynan 50-ge jýyq qus­begi qa­tysty. Qusbegiler 31 búr­­kit­tiń, 11 qarshyǵa men 10 ıtel­gi­niń toma­ǵasyn sypyryp, synǵa saldy.

Chempıonattyń sheshýshi synynda 5 búrkittiń sheberligi tekserildi. Erejege saı synnan ót­ken soń Astana qalasynyń tur­­ǵyny Serikbek Kúntýǵan «Al­­ǵyr», atyraýlyq Arman Qosh­­qarov «Naryn» búrkitimen úshinshi júldege ıe boldy. Saıysqa «Zańǵar» búrkitin qos­­qan Abaı oblysynyń ókili Er­zat Baıqadamov ekinshi oryndy ıelendi. Al elordalyq Armanbek Kúntýǵanuly «Qara­sholaq» qy­ranymen el chempıony atandy.

Qar­shyǵa baptaǵan asta­na­lyqtar – Kún­týǵan Serikbek «Naı­zatuıaq», Qudaı­bergen Raýıl­uly «Chı­pok» atalatyn qu­symen úshinshi orynnyń júl­­­desin ózara bó­listi. Túr­kis­tan oblysynyń tur­ǵyny Baǵ­dat Keýenov «Tar­lan» qar­shy­ǵasymen ekinshi júl­dege qol jetkizdi. Taǵy bir túrkistandyq Dáýren Arshabaı bap­taǵan «Tuı­ǵyn» birinshi júl­dege ıe boldy.

Itelgiler saıysynyń qy­zyǵy mol. Túrkistandyq qos qus­beginiń ıtel­­gisi úshinshi júldeniń ıesi atandy. Olar – Ibragım Bazar­baevtyń «Qa­­rakózi» men Baǵdat Keýenovtiń «Tu­mary». Ekinshi oryn Jambyl ob­lysynan qatysqan Baqdáýlet Ba­bajannyń «Qarakóz» atty ıtel­gisine be­rildi. Birinshi júldeni Aq­mola oblysynyń namysyn qor­ǵaǵan Erlan Kenjetaevtyń «Aq­bas» ataýy bar ıtelgisi ıelendi.

Atyraý oblysy