Jalpyulttyq sosıal-demokratııalyq partııasynyń tizimi boıynsha kandıdat Naýryz Saılaýbaı Jetisý oblysyndaǵy «Taldyqorǵan kabel zaýyty» JShS ujymymen úgit-nasıhat kezdesýin ótkizdi. Is-shara barysynda kandıdat partııanyń saılaýaldy baǵdarlamasynyń basym baǵyttaryn baıandady.
«Táýelsiz Qazaqstanda bılik halyqqa tıesili bolýy qajet. Qazaqstan jalpyhalyqtyq órkendeý úshin qajetti barlyq alǵyshartqa ıe. Biraq, ókinishke qaraı, olıgarhat pen jemqorlyq tamyrynyń tereńge ketkeni sonshalyq, memleketimizdiń damýyna qatysty ekonomıkalyq jáne áleýmettik kún tártibinde turǵan kóptegen júıeli másele ýshyǵyp otyr. Qazaqstannyń barlyq derlik baǵyttaǵy damýy boıynsha biz sheneýnikterdiń jarqyn bolashaqqa qatysty bitpeıtin ýádelerine toly ádemi saıası baıandamalaryn kórip otyrmyz. Jyldar ótedi, ýáde etilgen ýaqyt taıaǵanda bastapqy baǵyttan bas tartýǵa túrli syltaý tabylady. Qarapaıym halyq jyl saıyn kedeılenip barady: elimizdiń aǵymdaǵy damý deńgeıi jáne 2022 jyldyń qorytyndysy boıynsha 25 paıyzdyq azyq-túlik ınflıasııasy – osynyń tikeleı aıǵaǵy. Bizdiń maqsatymyz – azamattardyń ál-aýqat deńgeıin arttyrý. Bul – partııanyń Parlament Májilisiniń saılaýyna túsýdegi basty sebepteriniń biri. Qazirgi jaǵdaıdan memleketimiz tek sosıal-demokratııa ıdeıasy arqyly shyǵa alatynyna senemiz. Áleýmettik tártip túbegeıli qaıta qarastyrylýy qajet. Búginde biz qoǵam, bıznes jáne memleketti tepe-teńdik jaǵdaıyna qaıtarýymyz kerek. Bul degenimiz – azamattardyń qaıta paıda tabýy, bıznestiń olıgarhat ne memlekettiń qýdalaýy men qysymynan qoryqpaı, adal jumys istep, salyq tóleýi. Biz ár sheshimi azamattarymyzdyń ıgiligine jumys istep, paıdasyna asyrylatyn áleýmettik-jaýapty tártipti ornata alatynymyzǵa senemiz», dedi ol.
«Jemqorlyq memleketti kúıretedi, adamdar arasyndaǵy senimdi azaıtady. Paraqorlyqpen kúres kezinde, ásirese saıası deńgeıde, batyl sharalar qoldanylmasa, elimiz turaqty damý jolyna túse almaıdy dep esepteımiz. Memleket pen ekonomıkany ádil basqarý júıesin qalyptastyrý úshin, eń aldymen, saıası júıemizdi ózgertýge tıispiz», dedi kandıdat.