Atyraý oblysy aýmaǵynda jumbaq jaǵdaıda qaza tapqan erli-zaıyptylar isine qatysty jańa derekter belgili boldy. Bul týraly Ishki ister mınıstriniń orynbasary Sanjar Ádilov málimdedi, dep habarlaıdy Egemen.kz.
Onyń aıtýynsha, tergeýge baılanysty kúdiktilerdi jaqyn arada Indonezııadan Qazaqstanǵa jetkizý josparlanyp otyr. Qazirgi ýaqytta osy baǵytta belsendi jumys júrgizilip jatyr.
«Kúdiktilerdi osy aıdyń ishinde elge ákelý kózdelip otyr. Qosymsha aqparat tergeý múddesine sáıkes keıinirek beriledi», dedi vıse-mınıstr Senat kýlýarynda.
Sonymen qatar, ol iz-túzsiz joǵalǵan otbasynyń eki múshesine – Meıramgúl Qarabalına men Naýryz Muqanǵalıevke qatysty izdeý jumystary da jalǵasyp jatqanyn aıtty.
Vıse-mınıstrdiń sózinshe, eki aıdan beri tabylmaı jatqan azamattarǵa qatysty keshendi izdestirý sharalary júrgizilip jatyr, arnaıy tergeý toby qurylǵan.
Eske salaıyq, buǵan deıin Atyraý oblysy, Qyzylqoǵa aýdany, Jangeldın aýylynda bútin bir otbasy joǵalyp ketkeni týraly habarlanǵan bolatyn. Keıin erli-zaıyptynyń máıiti tabylyp, kúıeý balasy men qyzyna halyqaralyq izdeý jarııalandy.