Qaraǵandy oblysynda respýblıkalyq mańyzy bar Astana – Qaraǵandy (aınalma jol arqyly) – Almaty avtojolynda jańa jyldamdyq ólshegishter iske qosyldy. Kameralar Balqash qalasynan Saryshaǵan kentine deıingi ýchaskede ornatylǵan, dep habarlaıdy Egemen.kz.
Oblystyq polısııa departamentiniń habarlaýynsha, qurylǵylar Torańǵalyq jáne Gúlshat kentteri mańyndaǵy qaqpada ornalastyrylǵan. Kameralar qozǵalystyń eki baǵyty boıynsha da jyldamdyq rejıminiń buzylýyn tirkeıdi. Bul ýchaskede jyldamdyq shekteýi – 110 km/saǵ.
«Sergekke» senimsizdik neden týdy?
Sonymen qatar 6 naýryzdan bastap Qaraǵandy qalasynda da jańa jyldamdyq ólshegish jumys isteı bastaıdy. Ol Nursultan Nazarbaev dańǵyly, 25 mekenjaıynda, №3 gımnazııanyń mańynda ornatylǵan. Bul jerde ruqsat etilgen jyldamdyq – 40 km/saǵ.
Treker, kamera, «aqyldy» kólik: Depýtat derekter qaýipsizdigine alańdaýly
Polısııa júrgizýshilerdi marshrýttardaǵy ózgeristerdi eskerýge, belgilengen jyldamdyqty saqtaýǵa jáne jolda muqııat bolýǵa shaqyrady. Bul aıyppuldardan saqtanýǵa jáne jol qozǵalysy qaýipsizdigin arttyrýǵa múmkindik beredi.