Nahchyvan áýejaıynyń aýmaǵynda ırandyq dron qulaǵany týraly aqparat tarady. Bul oqıǵaǵa qatysty kadrlardy APA agenttigi Telegram arnasynda jarııalady, dep habarlaıdy Egemen.kz.
Dron ushý-qoný jolaǵyna jaqyn mańda qulaǵannan keıin áýejaı aýmaǵynda órt shyqqan. Áýejaı Nahchyvan Avtonomııalyq Respýblıkasy ákimshilik ortalyǵynda ornalasqan jáne Iran shekarasynan shamamen 30 shaqyrym qashyqtyqta jatyr.
Aldyn ala málimet boıynsha, qulaǵan apparat ırandyq ushqyshsyz ushý apparaty bolýy múmkin. Qazirgi ýaqytta Ázerbaıjan resmı organdary oqıǵaǵa qatysty tolyq túsinikteme bergen joq.
Túrkııa prezıdenti Iran zymyranynyń joıylýyna qatysty pikir bildirdi
Jergilikti BAQ-tyń habarlaýynsha, jarylystan keıin órt tutanǵan orynǵa órt sóndirý jáne qutqarý qyzmetteri jiberilgen. Zardap shekkender týraly aqparat jarııalanbady. Quzyrly organdar dronnyń ushý baǵytyn anyqtap, oqıǵany tekserip jatyr.
Qaýipsizdik maqsatynda keıbir áýe reısteri keshiktirilip nemese basqa baǵytqa jiberilýi múmkin ekeni aıtylǵanymen, áýejaıdyń jumysyna qatysty resmı derekter ázirge jarııalanbady.
Katardyń Qorǵanys mınıstrligi Irannyń eki ushaǵyn joıdy