Prezıdent Ákimshiliginiń kelisimimen Mavr Erǵalıuly Abdýllın 2023 jylǵy 28 aqpannan bastap Aqtóbe oblysy ákiminiń orynbasary laýazymyna taǵaıyndaldy, dep habarlaıdy Egemen.kz.
Mavr Abdýllın 1973 jyly Aqtóbe oblysynda dúnıege kelgen. Bilimi - joǵary. 2001 jyly Batys Qazaqstan memlekettik ýnıversıtetin «Ekonomıst-menedjer» mamandyǵy boıynsha bitirgen. Eńbek jolyn 1990 jyly Oıyl aýdandyq avtomobıl joldaryn jóndeý mekemesiniń jumysshysy bolyp bastaǵan. 1993 – 1995 jyldary jeke kásipkerlikpen aınalysqan. 1995 – 2012 jyldary Oıyl aýdandyq kınojelisi dıreksııasynyń dırektory, Oıyl aýdandyq mádenıet bóliminiń meńgerýshisi, Oıyl aýdany ákiminiń orynbasary, Aqtóbe oblystyq aýyl sharýashylyǵy basqarmasy bastyǵynyń orynbasary bolyp jumys istegen. 2012 - 2022 jyldary Oıyl, Alǵa aýdandarynyń ákimi, Aqtóbe oblysy ákiminiń orynbasary, birinshi orynbasary, Aqtóbe qalasynyń ákimi, «Aqtóbe Nefte Gaz Stroı» jaýapkershiligi shekteýli seriktestigi dırektorynyń orynbasary qyzmetterin atqarǵan. 2023 jyldyń qańtar aıynan bastap osy ýaqytqa deıin Aqtóbe oblysy ákiminiń aýyl sharýashylyǵy máseleleri boıynsha keńesshisi qyzmetin atqaryp keldi.