«О́tken jyldyń sońynan beri jýrnalısterge jasalǵan shabýyldar kóbeıgeni belgili. Memleket basshysy osyǵan oraı quqyq qorǵaý organdaryna muqııat tergeý júrgizýdi tapsyrdy. Soǵan baılanysty taıaýda jýrnalıster men blogerlerge qarsy zańsyz áreketter jasaǵan 18 adam ustalǵan edi. El Prezıdenti bul zańsyz áreketterdiń oryndaýshylary ǵana emes, tapsyrys berýshileri de anyqtalýǵa tıis ekenin basa aıtqany belgili. Endi tapsyrys berýshiler de anyqtala bastady», dep jazdy mınıstr.
Osyǵan baılanysty IIM jáne UQK vedomstvoaralyq jedel-tergeý toby BAQ ókilderine shabýyl uıymdastyrdy dep kúdik keltirilgen toptyń is-áreketin áshkerelep, jolyn kesti.
«Almatyda arandatýshylyq shabýyldardyń tikeleı úılestirýshisi – sheteldik azamat, bilikti haker O.Tokarev ustaldy. Onyń ýaqytsha turyp jatqan jerinen shabýyldardy basqarý, anonımdi telegramm-akkaýnttarda «tapsyrystar» berý, oryndaýshylardy tabý jáne olardyń aksııalaryna aqy tóleý júrgizilgen tehnıka tabylyp, tárkilendi», delingen IIM aqparatynda.
Atalǵan top V.Boreıkoǵa, G.Bajkenovaǵa, G.Erǵalıevaǵa, S.Ibraevaǵa jáne buqaralyq aqparat quraldarynyń basqa da ókilderine qarsy 30-dan astam arandatýshylyq jasaǵan.
Kúdikti ýaqytsha ustaý ızolıatoryna qamaldy.
«Atalǵan arandatýshymen birge túpki tapsyrys berýshiler de jaqyn arada anyqtalady dep senemiz. Aqparat jáne qoǵamdyq damý mınıstrligi tergeý barysyn jiti nazarda ustaıdy», dep jazdy D.Qydyráli.