Keshe Túrkııanyń Malatııa provınsııasynyń Eshılıýrt aımaǵynda 5,6 baldyq jer silkinisinen eki adam qaıtys bolyp, 140-y jaralandy, dep habarlaıdy Egemen.kz Anadolu agenttigine silteme jasap.
Túrkııa úkimeti janyndaǵy Apattardyń aldyn alý jáne saldaryn joıý basqarmasynyń (AFAD) habarlaýynsha qırandylardyń astynan 32 adam qutqarylǵan.
Zardap shekken 140 adamnyń 12-si aýyr jaǵdaıda jatyr.
Qulaǵan 31 ǵımarattyń 7 aımaǵynda izdestirý-qutqarý jumystary aıaqtaldy. Izdestirý-qutqarý operasııasyna 650 adam jumyldyryldy.
Habarlanǵandaı, keshe Túrkııanyń Malatııa provınsııasynda magnıtýdasy 5,6 ball bolatyn jer silkinisi tirkeldi.
Búgin Túrkııanyń Malatııa provınsııasynda magnıtýdasy 4,1 bolatyn taǵy bir jer silkinisi boldy. Jerasty dúmpýleri jergilikti ýaqyt boıynsha 05:18-de tirkelgen. Jer silkinisiniń oshaǵy Eshılıýrt aımaǵynda ornalasqan.
Eske salaıyq, 6 aqpanda Kahramanmarash provınsııasynyń Pazardjık aımaǵynda magnıtýdasy 7 balldan asatyn eki jer silkinisi boldy. Jer silkinisinen keıingi dúmpýler eldiń 11 provınsııasynda, sondaı-aq kórshiles memleketterde, sonyń ishinde Sırııada da sezildi. Mamandar aımaqta dúmpýler taǵy jarty jyl boıy jalǵasady dep boljap otyr.
Túrkııadaǵy joıqyn jer silkinisinen keıin úıindilerdi shyǵarýǵa 88 elden 11 myń qutqarýshy qatysty, sondaı-aq izdeý-qutqarý jumystaryna Astana men Almaty qalalarynyń, Aqmola jáne Qaraǵandy oblystarynyń qutqarýshylary qatysty.
Sondaı-aq 20 aqpanda Hataı provınsııasynda 6,4 jáne 5,8 baldyq eki jer silkinisi tirkeldi.