«Shańyraq» otbasylyq úlgidegi balalar aýylynyń dırektory Gúlsara Botataeva tergeý aıasynda atqaratyn qyzmetinen shettetildi, dep habarlaıdy Egemen.kz.
Buǵan deıin «Nemolchı.kz» qoǵamdyq qorynyń jetekshisi Dına Tansarı óziniń Facebook paraqshasynda balalardy uryp-soǵý faktisi týraly habarlaǵan edi. Onyń aıtýynsha, «Shańyraq» otbasylyq úlgidegi balalar aýylynyń tárbıelenýshi atalmysh qorǵa júgingen. Bala ınternat dırektory ony jáne basqa da balalardy mezgil-mezgil uryp-soǵatynyn málimdedi.
Balalar úıiniń tárbıelenýshilerinen túsken ótinishten keıin QR Qylmystyq kodeksiniń 140-baby (kámeletke tolmaǵan balany tárbıeleý jónindegi mindetterdi oryndamaý) boıynsha sotqa deıingi tergeý bastaldy.
Tergeý sharalary aıaqtalǵansha balalar aýylynyń dırektory qyzmetinen shettetildi.