Armenııa, Belgııa, Egıpet, Kanada, Rýmynııa, Fransııa, Shveısarııa elderiniń Qazaqstandaǵy elshileri Ortalyq kommýnıkasııalar qyzmeti alańynda «Frankofonııa kóktemi-2023» mádenı is-sharalar maýsymyn tanystyrdy. Halyqaralyq frankofonııa kúniniń maqsaty – fransýz tilin unatatyndardy biriktirý, fransýz mádenıetin nasıhattaý. Fransııa usynatyn is-sharalar týraly osy eldiń Qazaqstandaǵy elshisi Dıde Kaness aıtyp berdi, dep habarlaıdy Egemen.kz.
Onyń sózinshe, bıyl Qazaqstanda «Frankofonııa kóktemin» 9 elshilik uıymdastyrady.
«Álemde 320 mıllıonnan astam adam fransýz tilinde sóıleıdi. Bul óte kóp. Fransýz tili 29 memlekette resmı til mártebesine ıe, álemdegi eń kóp taralǵan bes tildiń qataryna enedi. Sonymen qatar fransýz tili ınternette qoldanylatyn tórtinshi til jáne álemde eń kóp oqylatyn ekinshi til bolyp sanalady», dedi spıker.
Is-sharalar Astana, Almaty, Atyraý, Qaraǵandy, Qostanaı, О́skemen jáne Shymkent qalalarynda ótedi.
Fransııa frankofondy kıno aptalyǵy aıasynda 9 fılm kórsetedi.
Sondaı-aq 7 naýryzda Almatyda «Áıelderdiń sporttaǵy orny» fılmi kórsetiledi, odan keıin áıelder quqyǵyn saqtaý taqyrybynda talqylaý ótedi.
Elshi 2024 jyly Fransııada ótetin Olımpıada oıyndaryna 500 kún qalǵanda Almaty qalasynda mektep oqýshylarynyń qatysýymen estafeta uıymdastyrý josparlanyp otyrǵanyn aıtty.
«Bıyl festıval baǵdarlamasyna art-rezıdensııany qostyq, onyń aıasynda jas fransýz sýretshisi úsh aı boıy Almatyda bolady. Rezıdensııa aıaqtalǵannan keıin shyǵarmashylyq jumystar «Esentai» galereıasynda kópshilik nazaryna usynylady», dedi Dıde Kaness.