Kúı tarıhy qyzyq qoı. Kúıdi tyńdaǵanymyz bolmasa, shyǵý tarıhy men mánin asa bile bermeımiz.
Qazanǵaptyń Úsen tóreniń aýlynda qonaq bolyp jatqan kezi. Úsenniń mápelep baptap otyrǵan ıtelgisi bar eken.
- Jalyǵyp jatqansha boı jazyp, ıtelgini ańǵa salyn, synap qaıtaıyq. Itelgi dep bireý syıǵa tartqan edi, biraq bóktergige esh atys bolmasa qaıtsin, - deıdi de Qazanǵapty ertip, qus salýǵa barady.
Aıtqandaı-aq, Úsen tóreniń ıtelgi dep asyraǵany bóktergi tektes qus bolyp shyǵady. Erkindikke shyqqan bóktergi aspanda biraz qalyqtaǵan soń toǵaıǵa sińip, qarasyn kórsetpeı ketedi. Úsen tóre qusty ári qýady, beri qýady. «Qıtý-qıtý, qaıt-qaıt» dep shaqyrsa da, qus ıesine qaıtyp oralmaıdy. Bóktergini qýa-qýa sharshap shaldyǵyp, astyndaǵy aty boldyryp, Úsen tóre úıine keledi.
- Bóktergini asyrap opa tappaıdy ekensiń, eńbegiń esh bolady eken. Opasyz neme meni qonaqtyń kózinshe jerge qaratyp ketti-aý, - dep tamaq tatpaı, kóńiliniń qoshy bolmaı Úsen tóre jatyp qalady.
Úsenniń kóńilin sergiteıin degen oımen Qazanǵap: - Tóre, jaqsylyqty bilmegen ıt pen qusqa sonshama qapalanyp qaıtesiń. Ondaılar adamda da kezdespeı me? Sondaıdyń bárin terip júrý tóre basyńyzǵa laıyq bolama?, - dep basý aıtyp, kúı tartady.
Bul kóńildi kúıdi tyńdaǵannan kebin ashýy tarqap, sabasyna túsken Úsen tóre: - Qaraǵym-aı, zeıilimdi bir ashtyń-aý, ıt pen qusy qurysyn, - dep Qazanǵapqa rıza bolǵan eken.
Ańyzdy aıtýshy – Baqyt Basyǵaraev