ASTANA. 24 maýsym. Sochıde Eýrazııalyq ekonomıkalyq komıssııa otyrysy ótti. Onda Eýrazııalyq ekonomıkalyq odaq týraly kelisim erejelerin júzege asyrý máseleleri talqylandy. Bul týraly primeminister.kz habarlady.
Sochıdegi atalǵan basqosýǵa Úkimet basshysynyń birinshi orynbasary Baqytjan Saǵyntaev qatysty.
Otyrysta Eýrazııalyq ekonomıkalyq odaq qurý týraly kelisimdi júzege asyrý boıynsha aldaǵy ýaqytta atqarylýy tıis jumystar keńinen sóz boldy. Sondaı-aq, eýrazııalyq ıntegrasııany odan ári damytýdyń eń basty máseleleri qaraldy.
Tarqata aıtar bolsaq, Armenııanyń Eýrazııalyq ekonomıkalyq odaqqa qosylýy týraly kelisim jobasy, eýrazııalyq ıntegrasııalyq jobaǵa qatysýy jónindegi Qyrǵyz eliniń aldaǵy mindetteri talqyǵa tústi.
Budan bólek, EKSPO-2017 jobalaryn iske asyrý máseleleri de osy basqosýda kún tártibine qoıyldy.
Jıynda qabyldanǵan sheshimder ıntegrasııalyq birlestiktiń ashyqtyǵyn naqtylady.
Joldybaı Bazar.
Derekkóz: primeminister.kz.
Foto: Ortcom.kz.