BUU konferensııasy: Qazaqstan qarýsyzdanýdy jaqtaıdy

BUU-nyń Qarýsyzdaný jónin­degi konferensııasy Jenevada ótti. Alqaly jıynda sóz alǵan Syrt­qy ister mınıstri Muhtar Tileýber­di qazirgi tańda álemdegi qaýipsiz­dik turaqsyz bola bastaǵanyn, sondyqtan ıadrolyq derjavalar arasyndaǵy dıalogti jańartý buryn-sońdy bolmaǵandaı qajet ekenin aıtty.

Onlaın-formatta ótken basqosý barysynda Qazaqstan SIM basshysy elimizdiń 2026 jyldan keıin Stra­tegııalyq shabýyl qarý-jaraq­taryn qysqartý men shekteý sharalary týraly shart týraly máseleni talqylaýdy qajet dep sanaıtynyn jetkizdi. Ol sondaı-aq bes ıadrolyq derjava – AQSh, Qytaı, Reseı, Ulybrıtanııa jáne Fransııanyń bir jyl buryn qabyldanǵan ıadrolyq soǵys pen jappaı qarý shyǵarýǵa jol bermeý jóninde birlesken málimdemege adaldyǵyn rastaýy mańyzdy ekenin atap ótti.

«Ýkraınadaǵy janjal, orasan zor ıadrolyq arsenaldar, shıelenisken ıadrolyq rıtorıka jáne dıalogtyń bolmaýy álemdi qaýipti baǵytta qaraı alyp kele jatyr. Mundaı jaǵdaıda ıadrolyq derjavalar arasyndaǵy dıalogty jańartý buryn-sońdy bolmaǵandaı qajet. Qazaqstan Prezıdenti Qasym-Jomart Toqaev BUU Qaýipsizdik Keńesiniń aldynda esep beretin arnaıy kópjaqty organ – Bıologııalyq qaýipsizdik jónindegi halyqaralyq agenttik qurýdy usyndy. Agenttik tájirıbe almasýǵa, áleýetti arttyrýǵa jáne bıotehnologııalardy berýge erekshe nazar aýdara alady dep senemiz», dedi Muhtar Tileýberdi.

«Biz ıadrolyq qarýsyzdaný men taratpaýdaǵy birqatar qıyndyqqa tap boldyq, sondyqtan bizge jańa ıdeıalar qajet. Qazaqstannyń bıologııalyq qaýipsizdik agenttigin qurý jónindegi bastamasynda bıologııalyq qarýsyzdanýdy odan ári ilgeriletetin birqatar ıdeıa bar. Endi olardy jetildirý jáne áleýmettendirý qajet», dedi konferensııada BUU-nyń ǵaryshtyq qaýipsizdik baǵdarlamasynyń jetekshisi Djeıms Revıll.