1 naýryz kúni saǵat 00:20 shamasynda respýblıkalyq mańyzy bar Fort-Shevchenko – Aqtaý tas jolynda ketip bara jatqan Ford mondeo avtokóligin arnaıy tekserý kezinde 150 keli kóleminde zańsyz aýlanǵan bekire tuqymdas balyq tabyldy, dep habarlaıdy Egemen.kz IIM baspasóz qyzmetine silteme jasap.
«Atalǵan derek QR QK-niń 339-baby (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha Túpqaraǵan aýdany polısııa bóliminiń sotqa deıingi tergep-tekserýdiń biryńǵaı tiziliminde tirkeldi», dep jazylǵan Polisia.kz taratqan habarlamada.
Sondaı-aq 35 jáne 39 jastaǵy kúdikti azamattar ustaldy. Tárkilengen balyq Kazakh Osseter JShS mekemesine jiberilgen.
О́zge aqparat tergeý múddesi úshin jarııa etilmeıdi.