Buǵan deıin jýrnalısterge shabýyl uıymdastyrǵandar ustalǵanyn habarlaǵan edik. Endi onyń sybaılastary da anyqtala bastady, dep habarlaıdy Egemen.kz.
«Ustalǵan O.Tokarev óziniń kinásin moıyndady jáne tergeýge kómektesýge kelisti. Oǵan basqa shetel azamattary – K.Lıtvınovtiń, S.Shapovalovtyń, B.Demchenko men Iа.Malyshoktyń belsendi kómek kórsetkeni anyqtaldy. Tokarevtiń ózi uıymdastyrýshy jáne úılestirýshi retinde, al toptyń basqa qatysýshylary – Lıtvınov, Shapovalov jáne Demchenko rekrýterler rólin atqaryp, Qazaqstan azamattary arasynan arańdatýdy tikeleı iske asyrýshylardy, ıaǵnı «qabandar» dep atalatyn oryndaýshylardy izdeýmen jáne qylmystyq áreketke tartýmen aınalysqan», delingen IIM aqparatynda.
Jedel-tergeý tobynyń málimetinshe, Iа.Malyshok hakerlik baǵytqa jaýapty bolyp (flýd, DDos, buzý jáne t.b.), «Orda» jáne «Elmedia» saıttaryna DDos-shabýyldaryn ózi uıymdastyrǵan. Ol sondaı-aq «Ulysmedia» redaksııasynyń saıtyn buzǵan.
Qazirgi tańda Bas prokýratýramen birge Tokarevtiń sybaılastaryn halyqaralyq izdeýge jarııalaý máselesi pysyqtalyp jatyr.