Prezıdent Ǵylym jáne joǵary bilim mınıstri Saıasat Nurbekti qabyldady. Kezdesý barysynda Qonaev qalasynda akademııalyq qalashyq salý jumystary bastalǵany týraly esep berildi, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaevqa byltyr halyqaralyq ýnıversıtetterdiń úsh ókildigi ashylǵany jáne bıyl bes jańa fılıal ashylatyny jóninde aqparat berildi.Budan bólek, mınıstr 2023-2029 jyldarǵa arnalǵan Joǵary bilim men ǵylymdy damytý tujyrymdamasynyń jobasyn usyndy. Qujatta atalǵan salany damytýdyń barlyq strategııalyq mindeti men kórsetkishi qamtylǵan.Memleket basshysyna ǵylymı qyzmetkerlerdiń jalaqysy 2 ese óskeni jáne irgeli zertteý jumystarymen aınalysatyn ǴZI-dy tikeleı qarjylandyrý máselesi jóninde baıandaldy. Aldaǵy 3 jylda ǵylymı jumystardy qarjylandyrý 3,5 esege artady.Mınıstrlik stýdentter men magıstranttardyń stıpendııasyn kezeń-kezeńmen ósirýdi jáne stýdentter jataqhanalarynda 7 jyl boıy jyl saıyn jańadan 10 000 oryn ashýdy josparlap otyr.Saıasat Nurbektiń aıtýynsha, 15 óńirlik jáne 5 pedagogıkalyq JOO bazasynda ǵylymdy ákimshilendirýdiń jańa modelin engizý jáne akademııalyq basymdyq ortalyqtaryn qurý máselesi pysyqtalyp jatyr.Qasym-Jomart Toqaev joǵary bilim alýǵa qoljetimdilikti arttyrýdyń jáne ýnıversıtet ınfraqurylymyn damytýdyń mańyzdylyǵyn atap ótti. Sondaı-aq jýyq arada ǵylymdy ákimshilendirýdiń jańa modeline kóshý qajettigin aıtty.