Mańǵystaýda sońǵy jyldary óńirde kóp kezdespeıtin ań-qus túrleri ara-tura kózge túsip, tańǵaldyryp keledi.
Kóktemge salym jadyrańqy kúnderdiń birinde Mańǵystaý oblysynyń turǵyndary daladan sırek kezdesetin balborsyqty kórgendigi týraly beınehabar áleýmettik jelilerdi kezip ketti. Áleýmettik jeliden kórgenimizdeı, tuqym túri az bolǵandyqtan Qyzyl kitapqa engen balborsyq aıdalada jolaýshylarǵa aldymen aıbat shegip, artynsha qashyp ketýge tyrysady.
Ǵalym-mamandardyń aıtýynsha, respýblıka boıynsha tek birneshe túri bar balborsyq elimizde Mańǵystaý oblysynyń ońtústik bóligi, ońtústik jáne ońtústik-batys Ústirt aýmaǵyn jáne Qarynjaryq oıpatyn mekendeıdi eken.
Turǵyndar arasynda «ıt aıý» dep te atalatyn bul ań túri óte sırek kezdesetindikten, alǵash ret kórip tańǵalýshylar kóp.
Mańǵystaý oblysy