Erkebulan Ábilhanuly Daýylbaev bergen ótinishine sáıkes Indýstrııa jáne ınfraqurylymdyq damý vıse-mınıstri qyzmetinen bosatyldy. Bul týraly Úkimettiń baspasóz qyzmeti habarlady, dep jazady Egemen.kz.
Erkebulan Daýylbaev 1978 jyly Ońtústik Qazaqstan oblysynda dúnıege kelgen.
M. Áýezov atyndaǵy Ońtústik Qazaqstan memlekettik ýnıversıtetin, Reseı keden akademııasyn bitirgen.
Eńbek jolyn 1999 jyly Qarjy mınıstrligi Kedendik baqylaý komıtetiniń OQO boıynsha Kedendik baqylaý departamenti ınspektory, jetekshisiniń orynbasary bolyp bastady.
Ár jyldary Ońtústik Qazaqstan oblysynyń ákimdiginde basshylyq qyzmette boldy.
2017-2018 jyldary – QR AShM Jer resýrstaryn basqarý komıteti tóraǵasynyń orynbasary.
2018-2020 jyldary Jambyl oblysy ákiminiń keńesshisi boldy.
2020-2021 jyldary – QR IIDM Qurylys jáne TKSh isteri komıteti tóraǵasynyń orynbasary.
2021-2022 jyldary – Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.
2022 jylǵy aqpan aıynan bastap qazirgi ýaqytqa deıin Indýstrııa jáne ınfraqurylymdyq damý vıse-mınıstri qyzmetin atqardy.