Atyraý polıseıleri qańtar oqıǵasy kezinde urlanǵan qarý-jaraqtardy tapty, dep habarlaıdy Egemen.kz Polisia.kz-ke silteme jasap.
28 aqpan kúni Atyraý oblysy PD qyzmetkerleri «Qarý» jedel-profılaktıkalyq is-sharasy kezinde Aqsaı eldimekeni tusyndaǵy Jaıyq ózeniniń jaǵalaýynda qańtar oqıǵasy kezinde urlanǵan qarý-jaraqtyń saqtalǵan jerin anyqtaǵan.
Tekserý kezinde Atyraý oblysy PD jyldam qımyldaıtyn arnaıy jasaǵyna tıesili Fort-500M myltyǵy, úsh 12 mm kalıbrli patron, eki GSZ DK-130 SG granata, bir PR 54 rezeńke taıaqsha jáne jeke qorǵanys quraldary, oq ótpeıtin keýdeshe, kaskalar tabylyp, tárkilendi.
Atalǵan derek boıynsha QR QK-niń 287-babynyń 2-bóligimen qylmystyq is qozǵalyp, sotqa deıingi tergep-tekserý jumystary bastaldy. О́zge aqparat Qylmystyq-prosestik kodekstiń 201-babyna sáıkes jarııalanýǵa jatpaıdy.