Burynǵy Qorǵanys mınıstri Murat Bektanovtyń isine qatysty sot úkimi shyqty, dep habarlaıdy Egemen.kz BaigeNews.kz saıtyna silteme jasap.
«M.Bektanov Qazaqstan Respýblıkasy Qylmystyq kodeksiniń 451-babynyń 3-bóligi boıynsha qylmystyq ister jónindegi mamandandyrylǵan aýdanaralyq áskerı sotynyń 24.02.2023 jylǵy úkimimen sottaldy. Oǵan eń joǵary qaýipsizdik qylmystyq-atqarý júıesi mekemesinde jazasyn óteı otyryp, 12 jyl merzimge bas bostandyǵynan aıyrý túrindegi jaza taǵaıyndaldy», delingen sottyń baspasóz qyzmeti taratqan habarlamada.
Aıta ketsek, qylmystyq is «qupııa» túrde qaraldy. Osyǵan baılanysty egjeı-tegjeıli aqparat berilgen joq.
О́tken jyldyń qańtarynda bolǵan tártipsizdik kezinde eks-mınıstr zańsyz buıryq bergeni habarlanǵan edi.
2022 jyldyń 21 aqpanynda burynǵy Qorǵanys mınıstri Murat Bektanov ustalyp, ýaqytsha ustaý ızolıatoryna qamalǵan.