Qazirgi kezde sý tasqynyn boldyrmaý jumystary júrip jatyr, dep habarlaıdy Egemen.kz.
«Qazgıdromet» RMK málimetteri boıynsha Tasqala aýdanynyń Tasqala aýylyndaǵy «Derqul-Tasqala» gıdrobeketinde 11 naýryz kúni tańerteń Derqul ózenindegi sý deńgeıi 544 sm qurady, tek bir táýlik ishinde sýdyń deńgeıi 158 sm-ge kóterildi. Shejin-2 aýylynda Shejin-2 ózenindegi sý deńgeıi 799 sm quraıdy.
TJ mınıstrligi Tasqala aýdanynyń 2 eldi mekeni jáne Báıterek aýdanyndaǵy 8 eldi meken yqtımal sý basý aımaǵynda turǵanyn habarlady.
Jergilikti jerlerde ákimdikter men TJD qatarynan kezekshilik uıymdastyryldy. Turaqty negizde sý aıdyndaryna monıtorıng júrgizilýde.
Oblys ákiminiń orynbasary E.T. Baltaevtyń basshylyǵymen oblystyq TJ jónindegi komıssııanyń shuǵyl otyrysy ótti.
Tasqynnyń aldyn alý úshin arnaıy tehnıkalar elde mekenderge jetkizildi.
Aýa temperatýrasy kúndiz 2-den 8 gradýsqa deıin jyly, túnde 0-den 5-ke deıin aıaz. Derqul ózenindegi muzdyń qalyńdyǵy 90 sm.
Topyraqtyń qatýy 115 sm quraıdy, qar tez erigen jaǵdaıda qar sýynyń jerge sińip úlgermeý qaýpi bar.