Jergilikti jerde tótenshe jaǵdaılar departamentiniń, órt sóndirý bóliminiń jáne ákimdiktiń qyzmetkerleri jaǵdaıdy baqylaýda ustap otyr.
Jangeldi aýdanynyń ákimi Shota Ospanov aýyldaǵy jaǵdaı týraly ınstagram paraqshasynda jazdy.
«Jangeldın aýdanynyń Shegen aýylynda qardyń kúrt erýine baılanysty aýyl ortasyna sýdyń mol jınalǵany anyqtalyp, 2023 jyldyń 11 naýryz kúni aýdan ákiminiń orynbasary A.Talpaqov bastaǵan Qostanaı oblysynyń tótenshe jaǵdaılar departamentinen aýdanǵa kómekke kelgen jumys toby, Jangeldın aýdanynyń órt sóndirý bólimi, tótenshe jaǵdaılar bólimi jáne jergilikti atqarý organ qyzmetkerleri jedel túrde jetip, jınalǵan sýdy basqa baǵytqa aǵyzý jumystary júrgizilýde. Barlyǵy 50 adam, 2 vahtalyq kamaz, 5 tehnıka, 6 motopompa jumyldyryldy. Zardap shekken úıler joq. Turǵyndardyń ómirine, turmystyq jaǵdaıyna qaýip tónbedi», dep jazdy ol.