Polısııa zańsyz bekire balyǵyn aýlaǵandardy ustady, dep habarlaıdy Egemen.kz polisia.kz saıtyna silteme jasap.
«Brakoner» respýblıkalyq jedel-profılaktıkalyq is-sharasy barysynda 2023 jyldyń 10 naýryzynda Mańǵystaý oblysy PD patrýldik polısııa rotasynyń qyzmetkerleri Aqtaý-Fort-Shevchenko tas jolynyń 29-shy shaqyrymynda tabıǵatty qorǵaý polısııasymen birlesip Lada 2112 markaly avtokólikti toqtatty. Avtokólikti tekserý barysynda júksalǵyshta jalpy salmaǵy 124 keli bolatyn 33 dana zańsyz aýlanǵan bekire balyǵy tabylyp, tárkilendi.
Polıseıler 26 jastaǵy kúdikti azamatty ustady. Tárkilengen balyq «Kazakh Osetr» JShS-ne tapsyryldy. О́zge aqparat tergeý múddesi úshin jarııa etilmeıdi.
Bul derek QR QK 339-baby (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha Túpqaraǵan aýdany polısııa bóliminiń sotqa deıingi tergep-tekserýdiń biryńǵaı tiziliminde tirkelgen.